Uisti rumun

Uisti rumun - Rregullat

Loja Uisti rumun ka këto rregulla:

• nga pakoja standarde e letrave mbahen vetëm nga 8 letra për çdo lojtar (për shembull, 24 letra kur luajnë 3 lojtarë).
• për të arritur numrin e kërkuar, letrat hiqen duke nisur nga vlerat më të ulëta (2, 3, 4 e kështu me radhë).
• me letrat e mbetura luhen disa raunde, sipas skemës 1 - 8 - 1.
• domethënë në fillim çdo lojtari i jepet nga 1 letër, pastaj nga 2, 3 e kështu me radhë deri në 8, dhe më pas zbritet sërish deri në 1.
• si përjashtim, raundet me 1 dhe me 8 letra përsëriten, që çdo lojtar të jetë një herë dhënësi i letrave.
• çdo raund përbëhet nga një fazë parashikimi, ku lojtarët thonë sa leva do të marrin, dhe nga një fazë loje.
• në fazën e lojës, lojtari në të majtë të dhënësit hedh letrën e parë; të tjerët duhet të hedhin një letër të së njëjtës ngjyrë.
• nëse nuk kanë letër të asaj ngjyre, duhet të hedhin një atu; përndryshe mund të hedhin cilëndo letër.
• levën e merr lojtari me atunë më të lartë (ose me letrën më të lartë të ngjyrës fillestare, nëse nuk u hodh atu).
• nëse lojtarët e parashikojnë saktë numrin e levave, shpërblehen me 5 pikë + 1 pikë për çdo levë të marrë.
• përndryshe, rezultati i tyre ulet me diferencën midis parashikimit dhe numrit të levave të marra.
• loja mbaron pas raundit të fundit; fitues është lojtari me rezultatin më të lartë në fund të lojës.